Հարգելի՜ ծնողներ Մենք ուրախ ենք ողջունելու ձեզ Չեխովի անվան դպրոցում, որտեղ ամեն օրը սովորողի համար մի նոր արկած է, մի նոր իրողություն: Այստեղ խրախուսվում են հետաքրքրասիրությունը, ստեղծագործական ունակությունը, և յուրաքանչյուր սովորող գնահատվում է իրեն բնորոշ առանձնահատկություններով և կարողություններով: Եթե ցանկանում եք, որ ձեր երեխան  ստանա լիարժեք կրթություն, որը կհամապատասխանի ՀՀ պետական չափորոշիչներին  ակադեմիական գիտելիքներից բացի՝ ձեռք բերի անհրաժեշտ կարողություններ և հմտություններ  ձևավորվի որպես իսկական հայ և պատասխանատու քաղաքացի ապա հրավիրում ենք դիմելու տարրական և միջին տարիքային խմբերի հանրակրթական ծրագրերով հավատարմագրված մեր կրթօջախ՝ Ա․Պ․ Չեխովի անվան համար 55 դպրոց։

Մենք ստեղծել ենք այնպիսի միջավայր, որտեղ յուրաքանչյուր երեխա իրեն ապահով է զգում, ոգեշնչված է և պատրաստ է ընդունելու նոր մարտահրավերներ: Մեր նպատակն է օգնել աշակերտներին՝ զարգացնելու ուսման հանդեպ սերը, որը կուղեկցի նրանց ողջ կյանքի ընթացքում։ Յուրաքանչյուրս ջանում ենք սովորողի համար ուսուցումը դարձնել ուրախ և գրավիչ փորձ՝ հագեցած գործնական աշխատանքներով, համատեղ նախագծերով և բացահայտումներ անելու և աճելու բազմաթիվ հնարավորություններով: Մեր նվիրված ուսուցիչները հավատարիմ են քննադատական մտածողության, ստեղծագործականության և համագործակցության զարգացմանը՝ աշակերտներին նախապատրաստելով ավագ դպրոցի ակադեմիական և սոցիալական մարտահրավերներին և, ինչու ոչ, նաև հետագա կյանքին: Միջին օղակը կրթական մակարդակի բարձրացման և անձնական աճի նոր փուլ սկսելու միջավայր է: Ուսումնառության այս փուլը անհավանական վերափոխումների, ուսումնասիրությունների և բացահայտումների լավագուն ժամանակաշրջանն է, և մենք այստեղ ենք՝ աջակցելու մեր սովորողների ամեն մի առաջընթացի: Եվ այս ամենով մենք նպաստում ենք, որ մեր շրջանավարտները դառնան պատասխանատու, հարգալից և տոկուն անհատներ։