Նոր սերնդի ընթերցանություն

Նոր սերնդի ընթերցանություն
/նախագծի մեկնարկ/

Մենք մշտապես կարևորում ենք գրքի և ընթերցանության դերը և, հավատարիմ մնալով մեր սկզբունքներին, հայտարարեցինք “Նոր սերնդի ընթերցանություն” նախագծի մեկնարկը: Ինչպե՞ս ծնվեց այս նախագիծը:

Քաղաքապետարանի կողմից դպրոցին հասցեագրված էր մի նամակ, որտեղ նկարագրվում էր Նիդերլանդների փորձը ընթերցանության խրախուսման գործում: Նամակի մեջ մեր ուշադրությունը գրավեց մի նախադասություն. այն է՝ հայտնի մարդիկ ընթերցում են երեխաների համար: Եվ հենց այդ նախադասությամբ էլ սկսվեց ծրագրի իրականացման ճանապարհը:

Ընտրվեց տարիքային խումբը՝ 10-ից 13 տարեկան: Հայտարարվեց, որ այս նախագծին մասնակցել ցանկացողները անպայման պետք է կարդան իրենց տարիքային խմբին հանձնարարվող գրքերը: Տրվեց ուղիղ մեկ ամիս ժամանակ: Մասնակցության ցանկություն հայտնեց 80-ից ավելի աշակերտ: Ուղիղ մեկ ամիս հետո անցկացվեց բանավոր հարցման փուլը, որի միջոցով ընտրեցինք ամենալավ կարդացողներին՝ 30 աշակերտի:

Եկավ սպասված պահը. հայտնի մարդիկ գիրք են կարդում հաղթող աշակերտների համար:

 
/եզրափակիչ փուլ/

Դեկտեմբերի 24-ին դպրոցում «Նոր սերնդի ընթերցանություն» մրցույթի եզրափակիչ միջոցառումն էր: Հոկտեմբեր ամսից դպրոցում մեկնարկել էր մի նախագիծ, որը բացառիկ էր իր տեսակով և նորություն ընթերցանության խրախուսման գործում:

Մասնակիցների հետ երկար քննարկումներից հետո եզրափակչի ցանկալի  հյուր համարվեց սիրված հաղորդավարուհի, դերասանուհի Նազենի Հովհաննիսյանը, որը սիրով ընդունեց մեր հրավերը:
Նազենի Հովհաննիսյանը խոսեց ընթերցանության կարևորության մասին, արժևորեց գիրքը և մի փոքրիկ հատված ընթերցեց աշակերտների համար: Միջոցառման ավարտին հաղթողները պարգևատրվեցին պատվոգրերով, փոքրիկ նվերներով և այն գրքերով, որոնք իրենք էին ընտրել հաջորդը ընթերցելու համար: