6-րդ դասարանում կազմակերպվեց բաց դաս՝ «Սկզբնաղբյուրների ուսումնասիրում» թեմայով։ <<Պատմություն>> առարկան հիմված է տարաբնույթ սկզբնաղբյուրների վրա, այդ իսկ պատճառով կարևորվում է աշակերտին «սկզբնաղբյուր» հասկացությանը ծանոթացնելը:

    Բաց դասից առաջ դասարանը այցելեց Երևանի պատմության թանգարան և ուսումնասիրեց բազմաթիվ նյութեր։ Հետաքրքրությամբ լսեցին Երևանի մասին շատ պատմություններ, դիտեցին տեսաֆիլմ: Թանգարանում աշակերտներին պատմեցին նաև Ամանորի մասին:


    Բաց դասի ընթացքում աշակերտները ներկայացրին իրենց գիտելիքները պատմական սկզբնաղբյուրների մասին և կատարեցին պատմահամեմատական վերլուծություն՝ հիմնվելով Երևանի պատմության փաստավավերագրական նյութերի վրա։

    Աշակերտները ներկայացրին լուսանկարչական սկզբնաղբյուրներ, նկարագրեցին հին երևանցու տարազը՝ առանձին-առանձին պատմելով թե ՛ տղամարդու, թե ՛ կնոջ հանդերձի մասին:


    Աշակերտները պատմեցին ներկայիս Երևանի հնագույն շենքերի մասին՝ որպես հին ժամանակների կանգուն վկաների։ Ներկայացվեցին Գևորգ Խանզադյանի "Սաքսոնակ" խանութի, մեծահարուստ Առաքել Աֆրիկյանի առանձնատան, Լևոն Տիգրանյանի ջանքերով հիմնված առաջին հիվանդանոցի պատմությունները:






    Ամփոփվեց դասը Երևանին նվիրված գեղեցիկ բանաստեղծությամբ:


    Ոսկեզօծ աշուն իջավ նորից
    Աբովյանի մայթերին...
    Աստղազարդ գիշեր փռվեց խաղաղ
    Եվ գրկեց փողոց ու տուն։
    Երևանը նինջ մտավ հոգնած,
    Շուրջը լուռ է ու հանգիստ,
    Բայց մենք դեռ կշրջենք
    Աստղերով արբած,
    Երևանյան երգը շուրթերիս...

     

     

Счетчик посещений

Счетчик посещаемости и статистика сайта